AGTERGROND: Hierdie boek is die resultaat van 'n behoefte om hulde te bring aan die Boesmans van die Kalahari asook, om stories uit die skrywer se bewaringslewe oor te vertel aan vriende en familie. Dit gee die boek 'n styl van bedstories met slapenstyd wat hy vir sy kinders sou vertel het wanneer hy van die veld af teruggekom het. As navorser moes die skrywer ook die unieke wetenskaplike geheime wat in die Kalahari opgesluit is, probeer ontrafel. Verder moes hy aan die leser verduidelik onder watter uniek toestande die Boesmans aan die suidpunt van Afrika oorleef het.

AANHALING: "Ek moes gevolglik 'n keuse uitoefen in watter styl die boek geskryf word. Ek het die goue middeweg gekies om die wetenskap as doek te gebruik waarop ek my stories kon skets. Ek het sover moontlik die omgewing waarin die Boesmans in harmonie geleef het probeer skets. Die lywige lyste van dier- en plantsoorte agter in die boek sal voornemende besoekers aan die Kalahari in staat stel om goed voorbereid te wees wanneer hulle die gebied besoek. Ek deel my wedervaringe en as 'n baie lang kampvuurstorie met jou uit my wetenskaplike pen. Ek probeer sover moontlik my stories met goeie foto’s illustreer.

OORSIG: Die boek beslaan 6 hoofstukke met 4 aanhangsels wat die volgende aspekte insluit: Geskiedenis van die Nasionale Kalahari Gemsbokpark, die Boesmans se wonings, die plantgemeenskappe van die Kalahari, asook die unieke plante van die woestyn en ten slotte die Boesmans van die Kalahari en die wereld waarin hulle geleef het. Verdermeer wemel die pragpublikasie met die dierelewe van die Kalahari wat beskryf word: die Kalaharileeu, die gevlekte hiena, bruinna, aardwolf, wildehond, jagluiperd, rooijakkals, Ratel, bakoorvos en nog vele ander soos die gemsbok, eland, blouwildebees en springbok.

Inderdaad, 'n indrukwekkende toevoeging tot jou koffietafel en/of lessenaar ...